الاسلام هو الافضل

الاسلام هو الافضل

الدعوة الى الله واتباع سنة رسول الله , ونشر المواضيع الهاادفة ، وكل ما هو جديد ومفيد في عالم الانترنت


    قصيدة لشاب فقير بيخطب بنت عمه المليونير

    شاطر
    avatar
    الداعية إيمان
    الادارة
    الادارة

    عدد المساهمات : 276
    تاريخ التسجيل : 22/10/2010
    الموقع : بلاد الله

    قصيدة لشاب فقير بيخطب بنت عمه المليونير

    مُساهمة من طرف الداعية إيمان في السبت نوفمبر 13, 2010 9:07 am






    قصيدة لشاب فقير بيخطب بنت عمه المليونير

    قصيده رهيبه



    سبحان من يرزق بتوع الملاييـن*** الرازق اللي ما يخيب الرجـا بـه

    لي عم عنده معـرضٍ للصواليـن ***أموت واعرف بس من وين جابـه

    وإذا سألته قـال بعـت الدكاكيـن***ما يدري إني ما هضمت الإجابـة

    الشاهد إني رحت له قبـل يوميـن***في قصره العامـر ودقيـت بابـه

    قال أرحب أرحب عدّد ورد البساتين***يا مرحبا باللـي لفـا يـا هلا بـه

    قلت البقا عـدّ النفـل والرياحيـن ***يا شيخ شمل أهل الكرم والذرابـه

    قال اسلم الله يحفظك لي من العين***وآمر أوامر حضرتـك مستجابـة

    قلت الصراحة طالبٍ قرب غاليـن*** ودي تزوجنـي كريمتـك يـابـه

    ثنّى وقال أهليـن والله وسهليـن***والكون ترخص لجل عينك رقابـه

    لكن ترا عندي شـروط وقوانيـن***قلت اشرط اشرط يا حبيب الغلابـة

    قال أولاً مهر العروسـة ثمانيـن***غير الرسوم وغير حق العصابـة

    والثانية عمك يبي منـك سبعيـن***رسم الأبـوّة والنسـب والقرابـة

    وأم العروسة حقها منـك ستيـن***عشانها ست الحسـن والمهابـة

    وإخوانها كلن يبي منـك خمسيـن***عداً ونقـداً تنـدرج فـي حسابـه

    وخواتها الخمس عطهن من ثلاثين***عشان تتوثـق عـروق النسابـة

    وتجيب طقم عيار واحد وعشرين***وخاتم من الماس المصفى ترابـه

    وأكياس متروسة كعوب وفساتيـن***ألوانهـا وأشكالهـا مـا تشابـه

    وموتر بسواقـه وفيـلا بدوريـن***أثاثهـا مـن بطرتـه ينحكـى بـه

    واحجز لنا قاعة بقصر السلاطيـن***واحجز بهـا رقاصتيـن وربابـه

    هذي الشروط اللي على بالي الحين***وذكرني اللي ما حسبنـا حسابـه

    قلت اذكر الله يا عـدو المساكيـن***واستغفـره لا يبتلـيـك بعـذابـه

    الظاهر إنك منت عارف أنا ميـن ***أنا لو أرقى فـوق متـن السحابـه

    ما جبت حتى نص درزن مواعيـن***واضحك بكيفك واعتبرهـا دعابـة

    شروطكم هذي شـروط المجانيـن***شروطكم شغـل ابتـزاز ونهابـه

    شروطكم تقصم ظهـور البعاريـن***شروطكـم همّـن وغـم وكآبـه

    شروطكم والله سيوف وسكاكيـن***تذبح بنات المجتمع مـع شبابـه

    وين الرضا والعطف واليسر والليـن***اللي ذكرهـا الله بمحكـم كتابـه

    وين الصفات اللي أمرنا بها الديـن **وين اختفى نهج النبي والصحابـة

    يا عم جعل اللي خلقنا من الطيـن**يرد عقلك مـن خطـاه لصوابـه

    ويجعل نصيبي عند غيرك قل آمين**ويحسن عزا الصابر ويجزل ثوابه

    قال أنت لو فكرت تفكير صاحيـن***ما شفت في مجمل شروطي غرابه

    حنا بعصـر العولمـة والمزاييـن *** ماهوب عصر الفلسفة والخطابـة

    الناس تسعى للرتـب والنياشيـن***وأنت اهتمامك بالشعـر والكتابـة

    والشعر ما ينفعك لو هو دواويـن***ما دام جيبك مثـل بيـت الخرابـة

    يا بوك لا تسمع كلام المصاخيـن***واسأل مجرب عاش في وسط غابه

    قلت الله أكبر يا محـرر فلسطيـن ***من يسمعك يحسبك ذيـب الذيابـه

    تراك شايب رأس مالـك رياليـن ***والبنت ما تسوى جنـاح الذبابـة

    قال انقلع مالت على وجهك الشين****لا عاد أشوفـك عندنـا يالزلابـه

    قلت ابشر أبشر لكن الباب من وين**وأقفيت من عنده على صوت بابـه




    ====================================
























    avatar
    صوت الحق
    الادارة
    الادارة

    عدد المساهمات : 293
    تاريخ التسجيل : 23/10/2010
    الموقع : لبنان

    رد: قصيدة لشاب فقير بيخطب بنت عمه المليونير

    مُساهمة من طرف صوت الحق في الثلاثاء ديسمبر 14, 2010 5:19 am

    بسم الله الرحمن الرحيم

    ما شاء الله عليك مبدعه ومتميزة
    يعطيك الف عافيه على المجهود الذي تبزلينه

    وفقكي الله

      الوقت/التاريخ الآن هو الجمعة يناير 18, 2019 1:54 am